Na nosa historia e memoria social segue a estar invisibilizado o papel desenvolvido por mulleres e persoas do colectivo LGBTIQA+. Proba disto é que as referencias a mulleres na trama urbana de Santiago de Compostela están lonxe de ser equitativas ás existentes aos homes e son case nulas as referencias ao colectivo LGBTIQA+.
Como unha estratexia para romper con esta invisibilidade, Pegadas Feministas busca proporcionar un “roteiro virtual” no que poder pasear polo mapa de Santiago de Compostela coñecendo mulleres e persoas LGBTIQA+, así como lugares e organizacións sociais que tiveron relevancia social dentro do marco da conquista de dereitos sociais e políticos relacionados coa igualdade e coa visibilidade destes colectivos.
Este roteiro contou coa gran colaboración de María Novas, do proxecto “Dexeneroconstrucións”, e de Sofía Gutiérrez do proxecto “Creando Cidade” que proporcionaron informacións dos seus traballos de investigación. Esta é unha proposta viva na que tamén podes participar proporcionando información sobre algunha figura ou lugar que tivo relevancia dentro do marco da igualdade no ámbito local de Santiago de Compostela.
Preme no mapa para acceder ás PEGADAS FEMINISTAS 
COMO PODES PARCITIPAR?
Podes cubrir o seguinte formulario coa información sobre o lugar e a persoa/colectivo para engadir a PEGADAS FEMINISTAS.