Presentación do proxecto: “MUSES”

Nesta actividade se presentarán os resultados do proxecto de cooperación internacional estratéxica no ámbito da xuventude “MUSES”. Neste proxecto, profesionais da educación non formal xunto con adolescentes de Portugal, Galiza e Italia experimentaron ao longo do último ano múltiples técnicas, ferramentas e métodos para a descuberta, análise e difusión da cultura e das artes con mirada feminista. Entre os resultados destácase a guía didáctica elaborada para a dinamización cultural con perspectiva de xénero para adolescentes e a galería audiovisual realizada na súa totalidade polo grupo adolescente participante do proxecto, onde se recollen experiencias inspiradoras de persoas creativas, artistas e/ou que traballan no ámbito cultural e das artes, para confrontar prexuízos por razón de xénero e dar mostra da diversidade e riqueza do patrimonio cultural e artístico europeo.

? xoves 7 de abril ás 19:0h

Inscricións: info@xandobela.info

+ info: 608 710 978 | casaxt@santiagodecompostela.gal

PRAZAS LIMITADAS