18 DE OUTUBRO- DÍA EUROPEO CONTRA A TRATA DE PERSOAS

O concello de Santiago presenta unha campaña de sensibilización  sobre a trata de seres humanos, co gallo do DÍA EUROPEO CONTRA A TRATA DE PERSOAS, 18 de outubro.

En pleno século XXI, en medio do mundo das tecncoloxías e a globalización, permanece e aumenta, día a día, unha realidade tan próxima coma invisible: A TRATA DE PERSOAS, que constitúe unha grave violación dos dereitos humanos. A trata atenta contra o dereito á vida, á dignidade, á integridade física e psíquica, á seguridade e á liberdade.

É un problema mundial e un dos máis vergoñentos que existen, xa que priva da súa dignidade a millóns de persoas en todo o mundo.

A ONU estima que, na actualidade, 2/3 das vítimas son mulleres mentres que persoas menores de idade representan 1/3 do total.

SE NON MERCAS NON HAI TRATA

COMBATER A TRATA DE SERES HUMANOS É UNHA PRIORIDADE

Cartel trata